Moderator.az xəbər verir ki, iyunun 12 iyun-də Azərbaycan Dövlət Aqrar Universitetinin inzibati binasının akt zalında 15 iyun-Milli Qurtuluş Gününə həsr olunmuş təntənəli yığıncaq keçirilib.
Tədbiri giriş sözü ilə açan ADAU-nun rektoru,professor İ.Cəfərov “15 iyun-Milli Qurtuluş Günü müstəqil Azərbaycan Respublikasının şanlı səhifəsidir” mövzusunda geniş məruzə ilə çıxış edib. Azərbaycan xalqının və Azərbaycan Respublikasının tarixinə Milli Qurtuluş Günü kimi daxil olmuş 1993-cü ilin onu qiymətləndirənlər, dərindən dərk edənlər üçün çox əziz gün olduğunu diqqətə çatdıran rektor həm də vətənini, xalqını sevən həmin çətin, ağrılı günlərin dəhşətlərini yaşayan, hadisələri gözləri ilə görən insanlar üçün 15 İyun tarixinin əsl Qurtuluş tarixi, Azərbaycan xalqının ölüm-dirim mübarizəsi olduğunu deyib. Heydər Əliyevin nadir tarixi şəxsiyyət olmağından danışan İ.Cəfərov qeyd edib ki, Dövlət Ulu Öndər hələ sağlığında xalqının qəlbində özünə möhtəşəm bir abidə ucaldaraq canlı əfsanəyə çevrilmişdir: “Azərbaycan Dövlət Aqrar Universiteti olaraq bu gün bizim qarşımızda duran ən ümdə vəzifə vətəninə, xalqına, prezidentinə şərəflə, vicdanla xidmət edən əsl Azərbaycan vətəndaşı yetişdirməkdir”-deyən rektor ADAU-nun həmişə cənab prezidentin siyasətini dəstəkləyəcəyini və onun ətrafında sıx birləşəcəyini vurğulayıb.
Sonra məruzəçilər -Azərbaycan tarixi, fəlsəfə və hüquq kafedrasının dosenti Nizami
Əlizadə “Heydər Əliyev müasir Azərbaycanın memarıdır”, energetika kafedrasının
professoru Siyasət Məmmədov “Ulu Öndər Heydər ƏliyevAzərbaycanı güclü sənaye
ölkəsinə çevirdi”, Azərbaycan tarixi, fəlsəfə və hüquq kafedrasının dosenti
Ceyhun Hüseynov- “Heydər Əliyev və milli quruculuq yolunun siyasi fəlsəfəsi”, baş
müəllim Nəbi Yusifov “Heydər Əliyev dünyanın ən ideal tarixi şəxsiyyəti”, baytarlıq
ixtisasının tələbəsi, Heydər Əliyev adına təqaüdçü Günel Ələkbərova isə “Ümummillli Lider Heydər Əliyev və Azərbaycan
gəncliyi” mövzusunda geniş məruzə ilə çıxış ediblər.
Sonra Ulu Öndərin həyat fəaliyyətindən
bəhs edən film nümayiş olunub. Tədbir tələbələrin Ulu Öndərə həsr olunmuş şeir
nömrələri ilə davam edib.
