28 may Rüspublika Günü əvvəlki illərdən fərqli olaraq bu il rəsmi səviyyədə də qeyd edilməyə başlayıb.
Maraqlıdır,
bu tendensiya cümhuriyyət liderlərinə yaxın gələcəkdə daha layiqli qiymət veriləcəyini
ehtimal etməyə əsas verirmi? Gec də olsa atılan bu addım
təqdir edilməlidirmi?
Məsələ
ilə bağlı Moderator.az-a açıqlama verən ADR sədrinin müavini Səxavət Əlisoy
iqtidarın bu addımının təqdirəlayiq olduğunu vurğuladı:
“Təbii
ki, iqtidarın bu addımı təqdirəlayiqdir. Bu, cəmiyyətdə vətəndaş
həmrəyliyinin güclənməsinə təkan verir. Əminəm ki, bu iqtidar Məhəmməd Əmin Rəsulzadəyə
layiq olduğu yerdə heykəl də ucaldacaq. Bəzi vəzifə sahibləri zaman-zaman Rəsulzadəni
təhqir etməklə xalqın gözündən düşdüklərini anladılar. Anladılar ki, milli dəyərləri
aşağılamaq onlara şərəf yox, bişərəflik gətirir. Tarixi saxtalaşdırmaq olar, fəqət,
əlahəzrət tarix bu saxtakarlığa nə zamansa mütləq düzəliş edir, haqq-ədalət öz
yerini tapır. Yoxdan bir dövlət qurmuş o kişilər ehtirama layiqdir”x9d.
Seymur
Əliyev
