ADP sədri, prezidentliyə sabiq namizəd Sərdar Cəlaloğu Moderator.az saytına açıqlamasında hakimiyyətdaxili qruplaşmalardan danışıb. Hakimiyyət daxilindəki bəzi qüvvələrin ölkəni daxili qarşıdurmaya sürükləməyə çalışdığını qeyd edən S.Cəlaloğlu, seçkilərdə İlham Əliyevə yüksək faizli səs yazılışını da bu qüvvələrin fəaliyyəti ilə əlaqələndirdi: “Hakimiyyət daxilində Azərbaycanı inqilaba, qarşıdurmaya sürükləyən qüvvələr var. Guya İ.Əliyevin 84% deyil, 60 və ya 70% səs toplayaraq qalib elan olunması ilə dünya dağılmayacaqdı ki? Amerika prezidentləri hər zaman 50+1, və ya 52-53% səslə qalib gəlib. Lakin onlar dünyanı idarə edirlər. Seçilən namizədin adına neçə faiz səsin yazılmasının onun dövləti idarəsinə heç bir maneçilik yaratmır”.
Seymur Əliyev
