İran ABŞ-ın Avropadakı bazalarına zərbə endirməklə hədələdi

İran ABŞ-nin yeni hücumu baş verəcəyi təqdirdə Avropadakı Amerika hərbi bazalarına zərbələr endirə biləcəyini bəyan edib.

Bizim.Media xəbər verir ki, bu barədə “The Times” nəşri məlumat yayıb.

Məlumata görə, hərbi obyektlərlə yanaşı, Avropa ilə dünyanın digər regionlarını birləşdirən sualtı internet kabelləri də təhlükə altında ola bilər.

Qeyd edək ki, ABŞ Prezidenti Donald Tramp tərəflər arasında razılaşma əldə olunmayacağı təqdirdə İrana yeni zərbələr endiriləcəyi ilə hədələyib.

İranın xarici işlər naziri Abbas Əraqçi isə bildirib ki, Tehran danışıqlar zamanı Hörmüz boğazının açılması planının icra müddətinin iki günə qədər azaldılmasına razılıq verib.

Bizim.Media