Klassik duş kabinləri tarixə qovuşur: Hamamlarda yeni nəsil təmizlik və dizayn dövrü

Qaralan silikonlar, ərp bağlayan relslər və saralan plastik hissələrlə mübarizəyə son qoymaq istəyənlər üçün hamam otaqlarında yeni trendlər başlayıb.

Bizim.Media xəbər verir ki, memarların və evini yeniləyənlərin seçimi olan yeni sistemləri təqdim edir:

1. "Walk-in" (Açıq girişli) sabit şüşə panellər

Hərəkət edən qapılar, relslər və rezin hissələr tamamilə ləğv edilir. Döşəməyə bərkidilmiş təkparça bişmiş (temperli) şüşə panel vasitəsilə açıq duş dəhlizi yaradılır. Xarab olacaq rels və ya təkər mexanizmi yoxdur; təmizliyi cəmi bir neçə saniyə çəkir.

2. Duş vannasız (poddonsuz) və xətti zolaqlı su axarları (Lineer süzgəclər)

Saralan və altında qoxu verən akril duş vannaları ləğv edilir. Hamamın kafel-metlax döşəməsi duşun içinə qədər kəsintisiz davam edir, su isə divar dibinə gizlədilmiş nazik metal süzgəclərlə axıdılır.

Pillə və ya hündürlük olmadığı üçün uşaqlar və yaşlılar üçün qəza riskini aradan qaldırır, hamamı daha geniş göstərir.

3. Nano-örtüklü (Hidrofobik) özünü təmizləyən şüşələr

Şüşə səthinə istehsal mərhələsində tətbiq olunan suitələyici nano-örtük su damcılarının şüşədə qalmasının qarşısını alır. Su damcıları sürüşüb axır, ərp və sabun ləkəsi yaranmır, ağır kimyəvi vasitələrə ehtiyac qalmır.

Kafel örtüklü yarımçıq arakəsmə divarlar

Şüşə silməkdən tamamilə imtina etmək istəyənlər üçün duş zonası hamamın öz kafel-metlaxı ilə örtülmüş 1-1.20 metr hündürlüyündə nazik arakəsmə divarla ayrılır.

Nə silikon, nə rels, nə də şüşə təmizliyi dərdi qalır; duşdan sonra səthi su ilə yaxalamaq kifayətdir. (milli.az)

Bizim.Media