Ukrayna Prezidenti Volodimir Zelenski bildirib ki, Rusiya neft emalı zavodlarına zərbələrin dayandırılması üçün Moskva Ukraynanın enerji sisteminə hücum etməməlidir.
Bizim.Media xəbər verir ki, Zelenski bu barədə “Fox News” telekanalına müsahibəsində ABŞ Prezidenti Donald Trampın Rusiya neft emalı zavodlarına hücumlarla bağlı xəbərdarlıqlarını şərh edərkən danışıb.
Ukrayna lideri məsələni Trampla və onun komandası ilə dəfələrlə müzakirə etdiyini deyib. Onun sözlərinə görə, digər variant Ukraynanın hücumlardan qorunması üçün “Patriot” raket sistemləri ilə təmin edilməsidir. Kiyev bu tədarükün haqqını ödəməyə hazırdır.
“Əgər bizim onların neft emalı zavodlarına bir ay hücum etməməyimizi istəyirsinizsə, bizə bir aylıq “Patriot” verin”, – Zelenski bildirib.
Bizim.Media
