İspaniya Sequnda Liqasında keçirilən “Tenerife” - “Andorra” matçı futbolçunun ağır zədə alması səbəbindən yarımçıq dayandırılıb.
Bizim.Media xəbər verir ki, görüşün əlavə vaxtında “Tenerife”nin hücumçusu Xesus de Migel rəqib qapıçı Xesus Ovononun müdaxiləsindən sonra başından ciddi zədə alıb.
Hesab 2:2 olarkən, əlavə vaxtın 7-ci dəqiqəsində qapıçı cərimə meydançasından çıxaraq topa müdaxilə etmək istəyib. Bu zaman onun dizinin De Migelin başına dəydiyi bildirilir.
Futbolçu huşunu itirərək meydanda hərəkətsiz qalıb. Baş hakim Ovonoya birbaşa qırmızı vərəqə göstərib.
De Migel təcili tibbi yardım maşını ilə xəstəxanaya aparılıb. İspaniya mediasının məlumatına görə, futbolçu sonradan özünə gəlib.
Qeyd edək ki, hadisədən sonra qarşılaşma yarımçıq dayandırılıb.
| Golpe fortísimo de Owono sobre Jesús de Miguel que hace que salten todas las alarmas. Pronta recuperación a Jesús y que todo quede en un susto Tenerife - Andorra //t.co/NXopIJ7p9H
— Laliga News (@laligaa_neews) November 2, 2026
Bizim.Media
