Cəmi 19 yaşı olmasına baxmayaraq, İspaniya millisinin və "Barselona"nın ulduzu Lamin Yamal futbol tarixinin ən parlaq gənc istedadlarından biri hesab olunur.
Bizim.Media xarici KİV-ə istinadən xəbər verir ki, DÇ-2026-da İspaniyanı çempionluğa daşıyan futbolçu ilə bağlı maraqlı məqamlar diqqət çəkib.
Adının xüsusi mənası var
Futbolçunun tam adı Lamin Yamal Nasraui Ebanadır. O, adını ailəsinin çətin günlərində valideynlərinə kömək edən iki yaxın dostunun şərəfinə alıb. "Lamin" ərəb dilində "etibarlı", "Yamal" isə "gözəllik" mənasını verir.
"304" işarəsi ilə qol sevincini qeyd edir
Yamal hər qolundan sonra əlləri ilə "304" işarəsini göstərir. Bu, onun böyüdüyü Kataloniyanın Rokafonda məhəlləsinin poçt indeksinin son üç rəqəminə işarədir. Futbolçu hətta "304", "LY304" və həmin jestləri rəsmi olaraq ticarət nişanı kimi qeydiyyatdan keçirib.
Körpə olarkən Lionel Messi ilə fotosu çəkilib
2008-ci ildə "Barselona"nın xeyriyyə təqvimi üçün keçirilən fotosessiyada cəmi 5 aylıq olan Lamini qucağına alan şəxs Lionel Messi olub. İllər sonra həmin fotolar yenidən gündəmə gələrək böyük marağa səbəb olub.
Tarix yazıb
Yamal 15 yaşında "Barselona"nın əsas komandasında debüt edib. O, UEFA Avropa çempionatını və FIFA Dünya Kubokunu qazanan ən gənc futbolçu kimi tarixə düşüb.
Balaca qardaşı da məşhurlaşıb
2026-cı il dünya çempionatında tribunadan qardaşına dəstək verən 3 yaşlı Keyne Yamal sosial şəbəkələrin ulduzuna çevrilib. Onun emosional reaksiyaları milyonlarla baxış toplayıb.
"19" rəqəmi Messi ilə bağlıdır
Lamin Yamal İspaniya millisində 19 nömrəli forma ilə çıxış edir. Maraqlıdır ki, Lionel Messi də karyerasının ilk illərində və ilk dünya çempionatında məhz 19 nömrəli formanı geyinmişdi. DÇ-2026-nın finalı da iyulun 19-da keçirilib və həmin gün 19 yaşlı Yamal Messiyə qarşı oynayıb.
Gecə yarısı peçenye yeməyi sevir
Futbolçu erkən yatıb gecənin bir vaxtı oyanaraq peçenye yeməyi sevdiyini etiraf edib. Buna görə yatağının yanında həmişə peçenye saxladığını bildirib.
Oyun həvəskarıdır
Lamin boş vaxtlarında "Fortnite", "Brawl Stars", "Roblox" və digər video oyunlarını oynamağı sevir. Hətta futbolçu olmasaydı, strimer olmaq istədiyini deyib.
Vanil qoxusuna xüsusi sevgisi var
Yamal vanil ətirinə böyük maraq göstərir. O, gündəlik həyatında vanil qoxulu sabun, krem, şam və ətirlərdən istifadə edir. Evində də vanil ətirli şam və hava təravətləndiricilərinə üstünlük verir.
Anası onu cəmi 16 yaşında dünyaya gətirib
Restoranda çalışaraq ailəsinə dəstək olub. Atası isə ailəni dolandırmaq üçün küçələrdən istifadə oluna və ya satıla biləcək əşyalar toplayıb. Valideynlərinin onu futbol məşqlərinə göndərməyə maddi imkanı olmayıb. Lakin Laminin istedadını görən məşqçilər ona ödənişsiz məşq etmək imkanı yaradıblar.
Daha sonra o, "Barselona"nın "La Masia" akademiyasına qəbul olunub, 15 yaşında əsas komandada debüt edib və qısa zamanda dünya futbolunun ən parlaq gənc istedadlarından birinə çevrilib.
Avtomobil kolleksiyası və dəbdəbəli həyatı
Lamin Yamal qısa müddətdə dəyəri təxminən 1,5 milyon dollar olan lüks və yüksək performanslı avtomobillər kolleksiyası formalaşdırıb. 2026-cı ildə sürücülük vəsiqəsini aldıqdan sonra qarajını sürət, komfort və eksklüzivliyi bir araya gətirən bahalı avtomobillərlə zənginləşdirib.
"Ferrari 296 GTB Assetto Fiorano - 390 min dollar
"Audi RS 6 Avant GT" - 160 min dollar
"Cupra Formentor VZ5 Century Gold Edition" - 95 min dollar
"Porsche 911 GT3 RS" - 320 min dollar
Əmlaka böyük marağı var
Məlumata görə, futbolçu "Barselona"nın sabiq kapitanı Jerar Pike və dünya ulduzu Şakiranın vaxtilə yaşadığı lüks villanı almağı planlaşdırır.
2012-ci ildə tikilən və təxminən 3800 kvadratmetr ərazini əhatə edən malikanədə:
* üç yaşayış evi,
* qapalı və açıq hovuzlar,
* şəxsi tennis kortu,
* tam təchiz olunmuş idman zalı,
* peşəkar səsyazma studiyası,
* geniş bağ sahəsi mövcuddur.
Əmlak Pike ilə Şakiranın ayrılmasından sonra əvvəlcə 14 milyon avroya satışa çıxarılıb. Daha sonra ərazidəki evlərdən biri satılıb və hazırda kompleksin təxminən 11 milyon avro dəyərində olduğu bildirilir.
Futbolçunun "Barselona" ilə imzaladığı yeni 6 illik müqavilənin mövsümə görə 30 milyon avroya qədər qazanc gətirəcəyi bildirilir. Qazandığı gəlir hesabına Yamal artıq anası, atası və nənəsi üçün ev alıb. Buna baxmayaraq, o, hələ də anası ilə birlikdə yaşayır.
Bahalı saat kolleksiyası ilə də diqqət çəkir
19 yaşlı futbolçunun kolleksiyasında dünyanın ən məşhur lüks saat brendlərinə məxsus modellər yer alır. "Audemars Piguet Royal Oak Chronograph" - 38 millimetrlik 18 karat çəhrayı qızıldan hazırlanıb.
"Rolex Cosmograph Daytona "Chocolate" - 18 karat Everose qızıldan hazırlanıb. "Patek Philippe Cubitus" - bu model brendin ən yeni lüks idman saatlarından biridir və təqdim olunduğu gündən böyük maraq doğurub. "Rolex Oyster Perpetual" - "Jubilee" motivli siferblatı ilə seçilir. Lamin Yamalın saat kolleksiyasının ümumi dəyərinin yüz minlərlə dollar olduğu bildirilir. (axşam.az)
Bizim.Media
