Paytaxtda daha bir kütləvi ağac kəsimi qeydə alınıb.
Milli Məclisin binasının arxasındakı poliklinikada təmir işləri ilə əlaqədar iş gedir. Söküntü-təmir işləri poliklinikanın ətrafındakı xeyli sayda ağacın kəsilməsinə səbəb olub.
Ərazidə işləyən fəhlələr çinar və şam ağaclarını kökündən kəsərək "KamAZ"a doldurublar.
Məsələ ilə bağlı Ekologiya və Təbii Sərvətlər Nazirliyi məlumatlandırılıb. Nazirlikdən bildirilib ki, hazırda faktla bağlı araşdırma aparılır.
ETSN-dən verilən məlumata görə, sözügedən ağac kəsimi Səbayıl rayonu Mətbuat prospekti 2, 2a, 2b, və 4 ünvanında yerləşən binaların ətrafında aparılıb. Bu, dövlət əhəmiyyətli layihə olduğu üçün Nazirlik ağacların kəsilməsi, budanması və köçürülməsinə rəy verib.
Nazirlikdən qeyd ediblər ki, rəy, binaların fasadlarının yenilənməsi zamanı ağaclar maneçilik yaratdığı üçün verilib.
