Qarabağ Universitetində tələbə sayı 5 minə çatdırılacaq, universitetin fəaliyyətinə isə 51 milyon manat ayrılacaq.
Bizim.Media xəbər verir ki, bu barədə Milli Məclisin İqtisadi siyasət, sənaye və sahibkarlıq komitəsinin bugünkü iclasında müzakirəyə çıxarılan “Azərbaycan Respublikasının 2027-ci il dövlət büdcəsi haqqında” qanun layihəsində qeyd olunub.
Sənədə əsasən, Qarabağ Universitetində 9 istiqamət və 49 ixtisas üzrə 3500-dək tələbənin təhsil alması və yataqxanalarda yerləşdirilməsi planlaşdırılır. İxtisaslar arasında tibb də yer alır və bu istiqamət üzrə 250 nəfərin təhsil alması nəzərdə tutulur.
Məlumata görə, 2024/2025-ci tədris ilindən etibarən universitetdə tələbə sayının 5 minədək artırılması və onların yataqxanalarda yerləşdirilməsi planlaşdırılır.
Qarabağ Universitetinin fəaliyyətinin 2027-ci ildə təmin edilməsi məqsədilə 51 milyon manat vəsait ayrılması nəzərdə tutulub. Bu, cari illə müqayisədə 12 milyon manat və ya 30,8 faiz çoxdur.
Fəridə, Bizim.Media
