ABŞ Prezidenti Donald Tramp İsraildə yüksək reytinqə malik olduğunu iddia edərək, gələcəkdə bu ölkənin baş naziri ola biləcəyini bildirib.
Bizim.Media xəbər verir ki, Tramp bu barədə jurnalistlərə açıqlamasında danışıb.
“Əgər amerikalılar nə vaxtsa məndən bezsələr, İsrailə köçüb baş nazir olaram. Orada mənim reytinqim 99 faizdir”, – deyə ABŞ Prezidenti bildirib.
ABŞ Prezidenti İsrailin istədiyi bütün silah və digər vasitələri Amerikadan ala biləcəyini vurğulayıb. Onun sözlərinə görə, İsrailə yardım lazım olsaydı, bu dəstəyin davam etdirilməsini tövsiyə edərdi: “Lakin Benyamin Netanyahu belə yardımı qəbul etmək istəmir”.
Yaxın Şərqdəki vəziyyətdən danışan Tramp regiona tam nəzarət etdiyini iddia edib və İsraili ABŞ-nin əsas köməkçisi adlandırıb.
Bizim.Media
