Prezidentin AŞ PA- dakı məlum çıxışında səsləndirdiyi bir çox fikirlər cəmiyyətdə və mediada ciddi müzakirə predmetinə çevrilib. Bunlardan biri də İlham Əliyevin MDB məkanındakı korrupsiyanın sovetlər dönəmindən qalmış miras olmasını söyləməsidir.
Moderator.az mövzunun iziylə gedərək iqtisadçı
millət vəkili, Sosial və İqtisadi İnnovasiyalar İnstitutunun rəhbəri Əli Məsimlidən
“doğrudanmı korrupsiya sovet sisteminin mirasıdır” sualına cavab istəyib.
Deputatın cavabı çox qısa olub:
“Ümumiyyətlə, korrupsiyanın kökü obrazlı desək,
eramızdan əvvələ gedir, sovet sistemində isə korrupsiya bir növ rejimin mahiyyətini
ifadə etməyə başlayıb. MDB-dəki korrupsiyaya gəldikdə isə dünyanın nüfuzlu
ekspertlərinin qənaətinə görə ən korrupsiyalaşmış ölkə məhz Rusiyadır. Müxtəlif
təşkilatların bu barədə araşdırmaları var. Postsovet məkanı ölkələri müxtəlif
cür təsvir olunur. Amma korrupsiya həqiqətən Rusiyanı dağıdır.”
