Tarixi qələbədən sonra bu günü tətil elan etdilər – Video

Hazırda oxunan: Tarixi qələbədən sonra bu günü tətil elan etdilər – Video

622334

Paraqvay Prezidenti Santyaqo Penya (Santiago Peña) milli komandanın dünya çempionatında Almaniya yığması üzərində qazandığı tarixi qələbədən sonra iyunun 30-nu ölkədə rəsmi bayram və qeyri-iş günü elan edib.

Bizim.Media xəbər verir ki, bu barədə Paraqvay dövlət başçısı özünün "X" (keçmiş Twitter) sosial şəbəkə hesabında paylaşım edib.

Prezident komandanın bu böyük uğurunu yüksək qiymətləndirib:

"Paraqvay heç vaxt təslim olmur. Bu gün ölkəmizdə rəsmi bayram günüdür!", - deyə Penya vurğulayıb.

Qeyd edək ki, dünya çempionatının 1/16 final mərhələsi çərçivəsində keçirilən gərgin qarşılaşmada Paraqvay millisi Almaniya yığması ilə qarşılaşıb.

Oyunun əsas və əlavə vaxtı 1:1 hesabı ilə başa çatdığı üçün qalib penalti seriyasında müəyyənləşib.

Penaltiləri daha dəqiq yerinə yetirən paraqvaylılar (4:3) Almaniyanı turnirdən kənarlaşdıraraq mundialın 1/8 final mərhələsinə vəsiqə qazanıblar. Bu tarixi qələbə ölkədə böyük coşqu və izdihamla qeyd olunur.

Bizim.Media