Ərəb ölkələrinin, həmçinin Türkmənistan və Gürcüstanın futbol klubları yay təlim-məşq toplanışını Qəbələdə keçirmək istəyirlər.
Bizim.Media xəbər verir ki, bu barədə report.az-a açıqlamasında "Qəbələ" İdman Klubunun ümumi işlər üzrə koordinatoru Səbuhi Qarayev bildirib.
O, Azərbaycan komandalarının da bölgə təmsilçisinin bazasında hazırlıq prosesinə qatılacağını deyib:
"Premyer Liqa təmsilçilərindən "Qəbələ", "Sumqayıt", "Şamaxı" və "Şəfa"nın hazırlıq proseslərini burada keçəcəyi təsdiqlənib. İyulun əvvəlindən toplanışlara start veriləcək. Bir neçə xarici klublardan bizə istəklər gəlib və şərtlərimizi göndərmişik. Ərəb ölkələrindən, Türkməsintan və Gürcüstandan komandalar gəlmək istəyir. Hamısına şərtlərimizi demişik. Hələlik təsdiq almamışıq".
S.Qarayev bu qədər çox komandanı qəbul etməyə hazır olduqlarını vurğulayıb:
"Qəbələ" İdman Klubunun bazasında 5 təbii örtüklü futbol meydanı var. Bundan əlavə, süni, minifutbol və qum meydançaları da mövcuddur. Bunların hamısı hazır vəziyyətdədir. Əsas milli və klublar təbii meydandan istifadə edirlər.
Biri əsas olmaqla beş meydanın hamısı təlim-məşq toplanışları üçün yüksək səviyyədə hazırdır. Bildiyiniz kimi, biz pandemiya dönəmində Azərbaycanın 8 komandasını qəbul etmişdik və hamısını yüksək səviyyədə yola salmışdıq. Azərbaycanın aşağı yaş qruplarından ibarət milli komandaları da bazada hazırlıq prosesində iştirak ediblər və yoxlama oyunlarını burada keçiriblər".
Bizim.Media

- A-
- A
- A+
İdman
14:17 / 11.06.2026
Bu ölkələrin futbol klubları Qəbələyə GƏLƏCƏK?
Hazırda oxunan: Bu ölkələrin futbol klubları Qəbələyə GƏLƏCƏK?
Hazırda oxunan: Bu ölkələrin futbol klubları Qəbələyə GƏLƏCƏK?
618659
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
































































































