Belə ki, “Daewoo” marklı, 10 TF 909 dövlət nömrə nişanlı, 165 saylı xətt üzrə hərəkət edən sərnişin avtobusu dayanacaqdan hərəkətə başlarkən, “Volkswagen” markalı avtomobil sürətlə əks yola keçərək, avtobusun qarşısında dayanan “Hyundai” markalı avtomobilə çırpılıb. Zərbənin təsirindən “Hyundai” yol kənarındakı kolluğa girib.
“Volkswagen” markalı avtomobil daha sonra qarşısındakı sərnişin avtobusuna çırpılıb. Avtobusun sürücü İbrahim Asimanov ANS PRESS-ə açıqlamasında bildirib ki, hadisə qəfil baş verib.
“Nə qədər çalışsam da, avtobusu qəzadan xilas edə bilmədim”, - deyə İbrahim Asimanov bildirib.
Qeyd edək ki, qəzada 3 nəfər yüngülcə xəsarət alıb.
Qəzanın səbəbkarı olan “Volkswagen” markalı avtomobilin sürücüsü qəzanı çəkən jurnalistə hücum edib. Qəzaya səbəb olan “Volkswagen” markalı avtomobilin sürücüsünün hücumu barədə Radio Antenn 101 FM-in aparıcısı Əzizə İsmayılova özünün Facebook səhifəsində yazıb:
“Qəza törədən sürücü başından yüngül xəsarət almışdı və hətta mənim üzərimə şəkil çəkməyim deyə hücum belə etdi... Əlimdəki kameranı almağa çalışdı”, - deyə Əzizə İsmayılova qeyd edib.
Foto: Əzizə İsmayılova
