Əfqanıstanda prezidentliyə namizədə sui-qəsd hadisəsi olub.
Moderator.az xarici mətbuata istinadən xəbər verir ki, hadisə fevralın 19-da Kabul-Cəlalabad yolunda prezidentliyə namizəd Kabula qayıdarkən baş verib. Silahlı dəstə yolda hərəkət edən müxalifətdən olan prezidentliyə namizəd Abdullah Abdullahın maşın karvanını gülləbarana tutublar. Daxili işələr nazirliyinin verdiyi məlumata görə, silahlı basqın zamanı heç kim yaralanmayıb.
Prezidentliyə namizədə hücum məsuliyyətini “Taliban” öz üzərinə götürüb və bildirib ki, bu hücum nəticəsində prezidentliyə namizəd A.Abdullahın 3 mühafizəçisi qətlə yetirilib və bir neçəsi isə yaralanıb.
