Bugünlərdə Bakı-Binəqədi-Sumqayıt yolundakı bütün tranplinlərin aradan qaldırıması müşahidə edilir. Moderator.az-a daxil olan məlumata görə, tranpilinlərin yığışdırılmasına səbəb yaxın günlərdə keçirilməsi nəzərdə tutulan beynəlxalq velisoped yarışlarıdır. Yarışlar başa çatandan sonra yenidən magistral yollarda bəlli məsafədən bir tranpilinlərin düzəldilməsi planlaşdırlır.
Bundan başqa, yarışlarla əlaqədar yol boyu ciddi təmir-abadlıq işləri aparılır ki, məqsəd ətraf ərazilərin normal görünüşünü təmin etməkdən ibarətdir.
Vətəndaşlar isə hesab edir ki, bu cür yarışların mütəmadi surətdə təşkili təqdirəlayiq olardı. Ən azından ona görə ki, bu yarışlar onlara qısa müddət ərzində olsa da tranpilinsiz yollarda rahat şəkildə hərəkət etmək və illər uzunudur ki, təmir üzünə həsrət qalan küçələrin abadlığını təmin etmək imkanı yaradır.
