"Son beş ildə müəllimlərin 90 faizi sertifikatlaşdırma prosesindən uğurla keçib, 91 mindən çox müəllimin əməkhaqqına əlavələr edilib". Bizim.Media xəbər verir ki, bu sözləri elm və təhsil naziri Emin Əmrullayev "Sertifikatlaşdırma: səriştəli müəllim - keyfiyyətli təhsil" mövzusunda keçirilən tədbirdə deyib. Nazir bildirib ki, müəllimlərin sertifikatlaşdırılması prosesinə 2022-ci ildə başlanılıb. İlk mərhələdə ibtidai sinif müəllimləri Bakı, Sumqayıt, Quba, Xaçmaz və Gəncədə sertifikatlaşdırmaya cəlb olunub. Sonrakı mərhələlərdə isə Azərbaycan dili və ədəbiyyatı, riyaziyyat, xarici dillər, biologiya və digər fənlər üzrə müəllimlər imtahanda iştirak ediblər.   ...