«Azərbaycanda bir çox media orqanları düzgün olmayan, dedi-qodu, yalan və spekulyasiya xarakterli məlumatlar yayır. Düzgün sitat gətirmir, dəqiqləşdirilməmiş məlumatlar yayırlar».
Moderator.az-nın məlumatına görə, bunu «Seçki prosesində media etikası» mövzusunda keçirilən seminarda ABŞ-ın Azərbaycandakı səfiri Riçard Morninqstar bildirib.
R.Morninqstar bu yanaşmanı internetdə, müxalifət və iqtidar mətbuatında gördüyünü söyləyib: «Biz bütün mediaya çağırış edir və təkid edirik ki, düzəlişlər etsinlər. Bu, jurnalist peşəsinə zərər verir və oxucuların gözündə jurnalistlərin gördüyü işə zərər gətirir. Bəzən çox cəsur jurnalistlər olur və onlar hökumətin hücumuna məruz qalırlar”.
