Futbolun əfsanəsi Pelenin 17 yaşında olarkən 1958-ci il Dünya Çempionatının finalında İsveçə qarşı geyindiyi tarixi forma məşhur "Sotheby’s" hərrac evinə çıxarılır.
Bizim.Media xəbər verir ki, gənc "Futbol Kralı"nın o vaxt vurduğu kult dubl Braziliyaya qızıl medal qazandırmışdı.
Matçdan dərhal sonra Pele bu formanı otaq yoldaşı və milli komandadakı tərəfdaşı Dideyə hədiyyə etmişdi. Futbolçunun ailəsi bu unikal relikviyanı onilliklər boyu göz bəbəyi kimi qoruyub saxlayıb və nəhayət, indi satışa çıxarmaq qərarına gəlib.
Tarixi formanın gözlənilən satış qiyməti heyrətamiz 6 milyon dollar təşkil edir. Əgər bu məbləğə satış reallaşarsa, Pelenin forması rəsmi olaraq dünya futbol tarixinin ən baha satılan lotu (əşyası) kimi tarixə düşəcək.


Bizim.Media





































































































