Türkiyədə səfərdə olan professor Cəmil Həsənli bu ölkənin baş nazirinin müavini Bülənt Arınçla görüş keçirib. Cəmil Həsənli ilə Bülənt Arıncın ikitərəfli görüşü mediada geniş müzakirələrə səbəb olub. Hətta bəzi ekspertlər Ərdoğan hökumətinin Azərbaycan demokratları ilə münasibətlərinin istiləşməsi barədə rəylər də veriblər:
Moderator.az-a açıqlama verən politoloq Natiq
Mirinin sözlərinə görə, Türkiyə Azərbaycana qarşı hər zaman həssas siyasət
yürüdüb:
“Cəmil Həsənli Türk dünyasının böyük alimlərindən
biridir. Ərdoğan iqtidarının Cəmil müəllimə bu cür münasibəti anlaşılandır.
Türkiyənin demokratiyaya önəm verməsini düşünmək hələ ki, tezdir. Qardaş
ölkənin Azərbaycana yönəlik münasibətlərdə çox həssasdır. Türkiyə hökuməti
Suriya hadisələrindən də özü üçün ibrət dərsi götürüb. Türkiyənin Azərbaycanda
demokratiyanın bərqərar olunması üçün hər hansısa konkret addımlar atacağını
düşünmürəm”.
Xəyal Əzizov
