Əraq şəhərindəki reaktor və "Geçin" uran mədənində monitorinq aparılması nəzərdə tutulur
İran nüvə obyektləri haqqında Birləşmiş Millətlər Təşkilatının Atom Enerjisi üzrə Beynəlxalq Agentliyinə (MAQATE) məlumat verəcək. ANS PRESS-in Rusiya mətbuatına istinadən verdiyi məlumata görə, razılaşmaya görə İran tərəfi tikintisi planlaşdırılan tədqiqat reaktorları obyektləri barədə də MAQATE-ni məlumatlandıracaq.
Hazırda Tehranda səfərdə olan MAQATE-inin rəhbəri Yukiya Amano müsbət irəlləyişlər olduğunu deyib.
Daha əvvəl əldə olunan razılıqlara görə, İranın Əraq şəhərində reaktor və "Geçin" uran mədənində MAQATE-in ekspertləri tərəfindən monitorinq aparılması nəzərdə tutulur. Həmçinin ölkənin cənubunda Qaçin şəhərindəki uran mədənində yoxlamalar aparılacaq.
MAQATE ekspertlərinə icazə İran və Beynəlxalq Atom Enerjisi Agentliyinin 6 paraqraflıq birgə bəyanatına əsasən verilib.


































































































