Sahibkarlara qarşı 300 min manatlıq dələduzluq edildi

Sahibkarlara qarşı külli miqdarda mənimsəmə faktı ilə bağlı cinayət işi başlanıb.

Bizim.Media apa-ya istinadən xəbər verir ki, ittihama görə, Nadir Allahverdiyev adlı şəxs sahibkarlara qarşı dələduzluq edib.

Spirtli içkilərin və ət satışını həyata keçirən şəxslərdən məhsulu alıb və öhdəliyini yerinə yetirməyib. Zərərçəkmişlərə 300 min manata yaxın ziyan vurulub.

İttiham edilən şəxs istintaq dövründə 40 min manat ödəniş edib. Onun barəsində “polis nəzarəti altına vermə” qətimkan tədbiri seçilib.

Zərərçəkmiş şəxs qismində “Polad SR” MMC, “Organic Line” QSC, ALKO LMD AZƏR SPİRT 2024 MMC hüquqi şəxs və Kamran İsayev tanınıb.

Təqsirəndirilən Nadir Allahverdiyev Cinayət Məcəlləsinin 178.3.2-ci (dələduzluq, külli-miqdarda törədikdikdə) maddəsi ilə ittiham edilir.

N.Allahverdiyevin cinayət işi Bakı Ağır Cinayətlər Məhkəməsində hakim Neymət Məmmədovun icraatına verilib.

Məhkəmənin hazırlıq iclası 16 noyabra təyin edilib.

Bizim.Media