Putinin xüsusi nümayəndəsi Melaniya Trampın Ağ Evdəki tədbirində iştirak edəcək

Rusiya Prezidenti Vladimir Putinin xüsusi nümayəndəsi Kirill Dmitriyev noyabrın 5-də, cümə axşamı, ABŞ-ın birinci xanımı Melaniya Trampın təşkil etdiyi tədbirdə iştirak etmək üçün Ağ Evə gedəcək.

Bizim.Media xəbər verir ki, Reuters bu barədə mənbələrinə istinadən məlumat yayıb.

Agentliyin həmsöhbətlərinin bildirdiyinə görə, Dmitriyevin ABŞ administrasiyasının nümayəndələri ilə görüşü gözlənilir. Qeyd olunur ki, bu, ABŞ-da keçirilən aralıq seçkilərdən sonra Rusiya və ABŞ rəsmiləri arasında ilk üzbəüz təmas olacaq. Həmin seçkilərdə Demokratlar həm Senatda, həm də Nümayəndələr Palatasında nəzarəti ələ keçiriblər.

Mənbələr həmçinin Dmitriyevin Melaniya Trampın iştirakı ilə Ağ Evdə keçiriləcək tədbirə qatılacağını bildiriblər.

Reuters-in qeyd etdiyi kimi, Dmitriyevin səfərindən əvvəl Əbu-Dabidə ABŞ, Rusiya və Ukrayna nümayəndələrinin üçtərəfli görüşü keçiriləcək. Bu görüşdə amerikalı danışıqlar aparan şəxslər Rusiyanın Ukraynaya qarşı müharibəsinin dayandırılması məsələsində irəliləyiş əldə etməyə çalışacaqlar.

Daha əvvəl ABŞ-ın birinci xanımı Melaniya Trampın Ukrayna və Rusiya nümayəndələrini şəxsən Ağ Evdə bir araya gətirəcəyi barədə məlumat yayılmışdı. Bundan əvvəl o, iki ölkə arasında qarşılıqlı əlaqələrin qurulmasına təşəbbüs göstərmiş və Xerson vilayətinin Oleşki şəhərində və ətraf ərazidə atəşkəsə nail olmuşdu.

Birinci xanım əldə olunmuş atəşkəs razılaşmaları barədə bəyanatla çıxış edəcək. Ağ Evdə vurğulayıblar ki, bu təşəbbüs Melaniya Trampın şəxsi diplomatik səylərinin nəticəsidir. O, Ukrayna və Rusiya nümayəndələri arasında əlaqələri müstəqil şəkildə qurub.

Bizim.Media