Ümumi sahəsi 90 kvadratmetr olan 2 otaqlı evdə baş verən yanğının söndürülməsi üçün əraziyə rayon Yanğından Mühafizə hissəsinin iki yanğınsöndürən maşını və canlı qüvvəsi cəlb edilsə də, onlar hadisə yerinə gələnə qədər evin dam örtüyü, otaqların tavanı və döşəməsi, içərisindəki məişət əşyaları tamamilə yanıb. Hadisə zamanı xəsarət alan olmayıb.
Yanğının baş verməsini qaz sobasının düzgün quraşdırılmaması ilə əlaqləndirirlər. Yanğından mühafizə xidmətinin əməkdaşları alovları söndürüb və onun yaxınlıqda yeni tikilən evə keçməsinin qarşısı alınıb. Faktla bağlı araşdırma aparılır.
