Tokayev hərbçilərə on günlük müddət verdi

Qazaxıstan Prezidenti Kasım-Jomart Tokayev Təhlükəsizlik Şurasının aparatına və Müdafiə Nazirliyinə on gün ərzində hərbi islahat planını təqdim etməyi tapşırıb.

Bizim.Media  xəbər verir ki, bu barədə Prezidentin mətbuat xidməti məlumat yayıb.

Tokayev sadəcə həcmli konsepsiyaların və ya "yol xəritələri"nin deyil, oktyabrın ikinci yarısında Təhlükəsizlik Şurasının iclasında nəzərdən keçiriləcək aydın, konkret və mərhələli islahat planının hazırlanmasının vacibliyini vurğulayıb.

Bundan əlavə, Qazaxıstan Prezidenti müdafiə büdcəsi vəsaitlərinin istifadə səmərəliliyinin köklü şəkildə artırılması barədə göstəriş verib:

"Ayrılan bütün vəsaitlər dövlətin müdafiə qabiliyyətinin təmin edilməsində maksimum nəticə verməlidir. Vəsaitlərin təyinatı üzrə istifadə olunmaması və əlbəttə ki, mənimsənilməsi yolverilməzdir. Heç kim belə hərəkətlərə görə məsuliyyətdən yayına bilməyəcək".

Tokayev həmçinin kadrların qiymətləndirilməsi və seçilməsi üçün şəffaf meyarların tətbiqini zəruri hesab edib:

"Komandanlıq vəzifələrinə təyinatlar şəxsi sədaqət prinsipi əsasında deyil, yalnız təcrübə və səriştə əsasında həyata keçirilməlidir".

Bizim.Media