Payız-qış mövsümündə hava şəraitinin pisləşməsi fonunda Rusiya qoşunları keçmiş Kaxovka su anbarının qurumuş dibi ilə kiçik piyada qrupları vasitəsilə Zaporojye istiqamətində irəliləməyə çalışır.
Bizim.Media xəbər verir ki, bu barədə ABŞ-nin Müharibəni Tədqiqat İnstitutu (ISW) ukraynalı hərbçilərə və ekspertlərə istinadən məlumat yayıb.
Birinci hücum alayının komandiri Dmitri Filatov ("Peruna") bildirib ki, düşmən iki-üç nəfərlik kiçik qruplardan istifadə edir, keçmiş su anbarı ərazisindəki sıx bitki örtüyü, dumanlar və yüksək rütubət isə kəşfiyyatı xeyli çətinləşdirir.
Ukraynalı hərbi analitik Konstantin Maşovets qeyd edib ki, bir həftə əvvəl belə Rusiya qruplarından biri ərazinin dərinliklərinə – Malokatirinovkaya qədər irəliləyə bilib və orada Ukrayna Müdafiə Qüvvələri tərəfindən qarşısı alınıb.
Bizim.Media
