Azərbaycan Müəllimlər İnstitutunun filiallarındakı nöqsanlar barədə ara-sıra mətbuatda gedən tənqidi yazıların əsassız olmadığı nəhayət dünən təsdiqləndi və Gəncə filalında Təhsil Nazirliyi tərəfindən aparılan yoxlamaların direktor Ramiz Məmmədovun işdən kənarlaşdırılması və çoxsaylı cinayət tərkibli faktların Korrupsiyaya Qarşı Mübarizə İdarəsinə göndərilməsi bir çox mətləblərin üstünü açdı. Eyni zamanda o da vurğulanır ki, nazirlik tərəfindən digər filiallarda da anoloji yoxlamalar aparılacaq.
Bu
azmış kimi, artıq Bakıdakı baza institutunda da “soyuq küləklər” əsməyə
başladığı haqqında məlumatlar var və bildirilir ki, bu yaxınlarda Azərbaycan
Muəllimlər İnstİtutunda Hesablama
Palatası tərəfindən plan uzrə yoxlama keçiriləcəyi xəbəri başda deputat-rektor Aqiyə
Naxcıvanlı olmaqla təsərrufat isləri uzrə prorektor Adilxan Xəlilovun və baş
muhasib Mətanət Quliyevanı narahat etməyə başlayıb.
Bununla bağlı Moderator.az-ı bilgiləndirən mənbə
iddia edir ki, yoxlamalar zamanı təmir-tikinti yə və inventar
alışı ilə bağlı dövlət vəsaitinin mənimsənilməsi faktlarının ortaya cıxacağı ehtimalı
baza institutunda əməlli -başlı əndişə yaradıb. AMİ-nin texniki isçilərinin hesabına yüngül kosmetik
işlər gördürərək sonra isə müxtəlif firmaların adına “Forma 2” yazılaraq pulun mənimsənildiyi barədə də
şayiələr dolaşmaqdadır.Halbuki o firmaların
fəhlələrini institutda gorən olmadığı iddiaları var. İddialara görə
rektorun ən yaxın adamlarından hesab olunan prorektor AMİ nin 11 flialındakı
bütün əməliyyatları da nəzarətində saxlayır. Belə ki, “Kotirovka” sorğulari
formal xarakter daşıdığı deyilir. Hansı filialın hansı MMC ilə işləyəcəyini də yalnız AMİ rektoru
muəyyənləşdirir. Mənbə iddia edir ki, bütün filiallar eyni sistemlə və
yazılmamış oyun qaydaları ilə idarə olunur. Aqcəbədi filialının direktoru
Xəqani Məmmədov hələ də onun yerinə muavini Mətanət Fərzəliyevanın təyin
edilməsi səbəbini anlamaqda acizdir, amma onu nə eşidən var, nə dərdini
deyəcəyi ünvan. Zaqatala
filialindan nöqsanlarına görə Salyan
filialina ”sürgün” edilsə də “bismillah” etməyə macal tapmamış isindən
kənarlaşdırılan Tovuz Eminli
çıxarılmaqdan daha çox sövdələşmənin pozulduğuna görə ziyana
düşməsindən şikayətçidir. Mənbə Tovuz
Eminlinin baş verənlərə dözmək fikrinin olmadığını və artıq onun rektorla
hüquqi müstəvidə çəkişmək qərarını verdiyindən məhkəməyə müraciət etdiyini
bildirir.Tovuz Eminli də bir suala cavab
axtarır ki, boyuk maxinasiyalar edən Orucəli Rzayevin Mingəcevir filialından rüsvayçılıqdan sonra məhz
onun yerinə Zaqatala filialına gondərilməsi
və orada da həmin çirkin əməllərini davam etdirməsinə baxmayaraq niyə ona güzün
üstə qaşın var deyilmir?
Mənbə iddia
edir ki, AMİ-də baş verənlərdən artıq Təhsil Nazirliyində də kifayət qədər məlumatlıdırlar
və istər baza institutda, istərsə də bütün filiallardakı baş verənlərdən narazı
kollektiv üzvləri intizarla böyük ümidlər bəslədikləri nazir Mikayıl Cabbarovun
ciddi reksiya verəcəyini, Ramiz Məmmədov kimi rəhbərlərin oxşar aqibətlə
üzləşəcəyini gözləyirlər.
Mövzunu diqqətdə
saxlayacağıq və Təhsil Nazirliyinin cəmiyyətdə böyük rezonans və ümidlər
doğurmuş yoxlamalarının davamlı olacağına ümid edirik. Eyni zamanda onu da vurğulamağı
lazım bilirik ki, bu məlumatları ictimailəşdirməkdə heç bir niyyətimiz və qərəzimiz
yoxdur, rektor Aqiyyə Naxçıvanlının özünün də bu cür təmizləmələrdə maraqlı
olduğuna əminik və dəfələrlə ondan bununla bağlı açıqlamalar almışıq. Ümid edirik
ki, enində-sonunda təhsili millətin gələcəyi
hesab edən Heydər Əliyevin arzuları realaşacaq və cəmiyyətimiz təhsili bazara
çevirən üzdəniraq kadrlardan qurtulacaq.
Sonda qeyd edək ki, qarşı tərəfin də fikirlərini işıqlandırmağa və təhsilimizin inkişafı naminə əməkdaşlığa hazır olan hər kəsin mövqeyini, fikir və düşüncələrini təqdim etməyə söz veririk.
