Susseks hersoginyası Meqan Markl ABŞ-da ev işçiləri ilə kobud davrandığı iddiasına görə tənqid olunub.
Bizim.Media xəbər verir ki, bu barədə “Page Six” məlumat yayıb.
Nəşrin mənbəsinin sözlərinə görə, Meqan Marklın yerli ev işçiləri arasındakı reputasiyası zaman keçdikcə “zarafat mövzusuna” çevrilib.
“Onun qulluqçu işə götürməkdə problemləri olub, çünki Monteçitodakı bir çox ev işçisi onların yanında işləmək istəmirdi. Meqan müsahibələri özü keçirirdi və həqiqətən təkəbbürlü və kobud təsir bağışlaya bilərdi. Bəziləri onun ünsiyyət tərzindən o qədər narazı qalmışdı ki, bu barədə şayiələr yayılmağa başladı. Hətta insanlar zarafatla deyirdilər ki, Monteçitodakı bütün xadimələr onlara nifrət edir”, deyə mənbə bildirib.
Avqustun 20-də “The Telegraph” qəzeti Şahzadə Harri və həyat yoldaşı Meqan Marklın avqustun sonunda ABŞ-dan Böyük Britaniyaya qayıtmağı planlaşdırdıqlarını yazıb. Nəşrin məlumatına görə, ailə kral ailəsinə məxsus olmayan özəl iqamətgahda, ehtimal ki, Londonun kənarında məskunlaşmaq niyyətindədir.
Onların övladları – yeddi yaşlı şahzadə Arçi və beş yaşlı şahzadə Lilibet – sentyabr ayında Britaniyada məktəbə başlamalıdır.
Bizim.Media
