Cennifer Lopez Nyu-Yorkdakı Four Seasons otelinin qarşısında çəkilən viral video səbəbilə sosial şəbəkələrdə müzakirə mərkəzinə düşüb.
Bizim.Media xəbər verir ki, sosial mediada yayılan kadrlarda müğənninin lobbi hissəsində bir müddət gözlədiyi, paparatsilərin çəkiliş üçün hazırlaşması üçün məkanın boşaldılmasını gözlədiyi görünür.
Daha sonra o, kameralar qarşısına çıxaraq poza verib, gülümsəyib və avtomobilinə doğru gedib.
Bu davranış internet istifadəçilərinin bir hissəsi tərəfindən “həddindən artıq nümayişkaranə” və “teatrvari” kimi qiymətləndirilib. Bəzi şərhlərdə isə onu hətta “Marvel filmlərindəki cani obrazına” bənzədiblər.
Eyni zamanda, bəzi pərəstişkarlar onu müdafiə edərək bildiriblər ki, bu cür davranışlar ictimai peşənin və media ilə işin bir hissəsidir.
Bizim.Media
