Bu gün - sabah geomaqnit qasırğası güclənəcək - Proqnoz

Geomaqnit aktivliyinin noyabrın 7-8-dəartacağı gözlənilir. Proqnoza görə, Yer kürəsinin maqnitosferi geomaqnit pozuntularından təsirlənəcək və K-indeksi müəyyən vaxtlarda 5-ə çatacaq. Bu, minimum G1 maqnit qasırğasına uyğundur.

Geomaqnit fırtınaları intensivliyinə və ya K-indeksinə görə 2-dən 9-a qədər təsnif edilir. K-indeksi nə qədər yüksəkdirsə, fırtına, onun nəticələri və insanlara və avadanlıqlara təsiri bir o qədər şiddətlidir.

Bizim.Media ABŞ Milli Okean və Atmosfer Administrasiyasının Kosmik Hava Proqnozu Mərkəzinə istinadən xəbər verir ki, ən nəzərəçarpan dalğalanmalar cümə günündən şənbə gününə keçən gecə üçün proqnozlaşdırılır. Geomaqnit aktivliyi bazar günü də vaxtaşırı arta bilər, lakin bu dövrlər arasında pozuntuların bir qədər azalması gözlənilir.

Meteo həssas şəxslər rifahlarına və istirahətlərinə daha çox diqqət yetirməlidirlər.

Qeyd etmək lazımdır ki, günəş aktivliyi üzrə tədqiqatçılar məlumatları hər üç saatdan bir yenilədiyindən proqnoz dəyişə bilər. Astrofiziklər qeyd edirlər ki, bir gün əvvəl verilən proqnozlar ən dəqiqdir, digər proqnozlar isə yalnız təxmini xarakter daşıyır.

Surxay Atakişiyev, Bizim.Media