Plastik qabların tərkibindəki maddənin körpələrin çəkisini azaltdığı aşkarlanıb

Hazırda oxunan: Plastik qabların tərkibindəki maddənin körpələrin çəkisini azaltdığı aşkarlanıb

646532

Plastik qablaşdırmalarda və gündəlik istifadə olunan məhsullarda olan kimyəvi maddənin körpələrin doğum çəkisinə təsir göstərə biləcəyi müəyyən edilib.

Bizim.Media xarici mətbuata istinadla xəbər verir ki, alimlər 6 600-dən çox hamilə qadının məlumatlarını araşdırıblar.

Araşdırma zamanı DINCH adlı kimyəvi maddənin təsirinə daha çox məruz qalan qadınların körpələrinin daha az çəki ilə doğulduğu müəyyən edilib. Məlum olub ki, bu maddənin orqanizmdə səviyyəsinin 10 dəfə artması körpənin doğum çəkisinin orta hesabla 27 qram azalması ilə əlaqəlidir.

Alimlərin fikrincə, bu kimyəvi maddə dölün inkişafına təsir göstərə bilər. Onun hormonların fəaliyyətinə müdaxilə etməsi və iltihabi proseslərə səbəb olması ehtimal edilir.

Tədqiqatçılar kimyəvi maddələrin istifadəyə verilməzdən əvvəl sağlamlığa təsirlərinin daha diqqətlə araşdırılmasının vacibliyini vurğulayıblar.

Bizim.Media