Noyabrın 3-nə keçən gecə və səhər saatlarında Rusiya ordusu Ukraynanın Dnepr şəhərinə kütləvi raket və dron hücumu həyata keçirib.
Bizim.Media xəbər verir ki, Dnepropetrovsk vilayət hərbi administrasiyasının rəhbəri Aleksandr Qanja bildirib ki, hücum nəticəsində dörd nəfər xəsarət alıb, yaşayış evlərinə və kritik infrastruktur obyektlərinə ziyan dəyib.
Dnepr şəhərinin meri Boris Filatovun sözlərinə görə, zərbələr Samarski rayonunda istilik elektrik stansiyasına, yaşayış məhəlləsinə və polis şöbəsinə endirilib. Xəstəxana da zərər görüb.
Dörd mərtəbəli yaşayış binasının böyük hissəsi dağılıb. Xilasetmə və digər aidiyyəti qurumların əməkdaşları hadisə yerində çalışırlar.
Bizim.Media
