Haiti əsilli kanadalı yazar Telison Orelen (Thelyson Orelien) “Ya bunu edəcəkdim, ya da öləcəkdim” (C'était Ça ou Mourir) adlı romanının süni intellekt vasitəsilə yazıldığı iddialarından sonra nüfuzlu Qonqur Ədəbiyyat Mükafatı (Prix Goncourt) siyahısından çıxarılıb.
Bizim.Media xəbər veir ki, "Balance ton Claude" adlı anonim sosial media hesabı romanın süni intellekt vasitəsilə yoxlanıldığını və əsərin "demək olar ki, tamamilə süni intellekt tərəfindən yazıldığını" irəli sürüb.
Orelen isə süni intellekt iddialarını rədd edib.
Parisdə yerləşən Qonqur Akademiyası qərarın mükafatın və qurumun ədəbi bütövlüyünü qorumaq, həmçinin əsərlərin məhz insan əməyi ilə yaradılması prinsipini dəstəkləmək məqsədilə alındığını açıqlayıb.
Qeyri-qanuni yollarla Kanadaya gələn haitili mühacirin həyat mübarizəsindən bəhs edən roman diskvalifikasiyadan sonra ədəbi uğurundan daha çox süni intellekt müzakirələri ilə yadda qalıb.
Bizim.Media
