İyun ayında Polşanı rekord sayda ukraynalı qaçqın tərk edib.
Bizim.Media xəbər verir ki, bu barədə Wydarzenia Interia Eurostat statistikasına istinadən məlumat yayıb.
Polşa Ukraynadan ən çox qaçqın qəbul edən ikinci ölkə olaraq qalsa da, məhz iyun ayında burada ukraynalıların sayında ən böyük azalma qeydə alınıb. Statistikaya əsasən, iyunda 6 mindən çox Ukrayna vətəndaşı Polşanı tərk edib.
Nəşr mümkün səbəblərdən biri kimi Varşava ilə Kiyev arasında münasibətlərin gərginləşməsini göstərib. Son dövrlərdə polyaklarla ukraynalılar arasında zorakılıqla müşayiət olunan insidentlərin də artdığı qeyd olunur.
Bundan əvvəl Gazeta Wyborcza Polşada ukraynalılara qarşı törədilən cinayətlərin sayının altı ay ərzində üçdə bir artdığını yazmışdı.
Varşava ilə Kiyev arasındakı münasibətlərdə əsas fikir ayrılıqlarından biri isə 1939–1945-ci illərdə Volın və Şərqi Qalisiya ərazilərində baş vermiş hadisələrin qiymətləndirilməsi ilə bağlıdır. Polşa 1943–1945-ci illərdəki Volın qətliamını soyqırımı kimi qiymətləndirir və buna görə Ukrayna millətçilərini məsul tutur.
2026-cı ildə bu məsələ ilə bağlı ziddiyyətlər daha da kəskinləşib. Ukrayna Prezidenti Volodimir Zelenskinin OUN-UPA liderlərindən birinin qalıqlarının yenidən dəfn mərasimində iştirakı və Ukrayna Silahlı Qüvvələrinin bölmələrindən birinə UPA qəhrəmanlarının adının verilməsi Polşada narazılıq doğurub. Məlumata görə, bunun ardınca Zelenski Polşanın ali dövlət mükafatı olan Ağ Qartal ordenindən məhrum edilib.
Bizim.Media
