Polşa xüsusi xidmət orqanları ABŞ vətəndaşı olan, Ukrayna əsilli şəxsin Varşavada öldürülməsinə hazırlığın qarşısını alıb.
Bizim.Media xəbər verir ki, Polşanın Baş naziri Donald Tusk bildirib ki, sui-qəsdin Rusiya tərəfinin sifarişi ilə hazırlanmasından şübhələnilir.
Tuskun sözlərinə görə, hadisə ilə bağlı Rusiya vətəndaşı avqustun 7-də Polşa Daxili Təhlükəsizlik Agentliyi və polis tərəfindən saxlanılıb. Əməliyyat ABŞ xüsusi xidmətlərinin əməkdaşlığı ilə həyata keçirilib.
Polşa rəsmiləri bildiriblər ki, şübhəli şəxs xarici xüsusi xidmət orqanının tapşırığı ilə ABŞ və Ukrayna vətəndaşlığı olan şəxsin qətlini hazırlayıb.
Tusk Rusiyanın Avropada Ukraynanı dəstəkləyən ölkələrə qarşı hibrid müharibə çərçivəsində bu cür əməliyyatları davam etdirə biləcəyini istisna etməyib.
Bizim.Media
