Bəşər Əsəd barəsində ölüm hökmü Suriyada bayrama çevrildi – VİDEO

Suriyanın sabiq prezidenti Bəşər Əsəd barəsində qiyabi ölüm hökmü çıxarılmasından sonra Dəməşq küçələrində bayram əhval-ruhiyyəsi yaşanıb.

Bizim.Media xəbər verir ki, yerli sakinlər və keçmiş rejimin qurbanlarının yaxınları küçələrə axışaraq Məhkəmənin bu qərarını ədalətin zəfəri və zərərçəkən ailələr üçün tarixi bir təsəlli kimi qarşılayıblar.

İnsanlar Dəməşqin mərkəzi küçələrində toplanaraq qərarı böyük coşqu ilə qeyd ediblər.

Qeyd edək ki, Dəməşq Cinayət Məhkəməsi Suriyanın keçmiş prezidenti Bəşər Əsədi insanlıq əleyhinə cinayətlər, qətl və işgəncə ittihamları üzrə ölüm cəzasına məhkum edib.

Xatırladaq ki, Bəşər Əsəd 2024-cü ilin dekabrında hakimiyyətdən devrilib və daha sonra ailəsi ilə Suriyanı tərk edərək Rusiyaya qaçıb.


Bizim.Media