Hər doğum tarixində "uğur kodu" gizlənib: Sizinki nədir?

İnsanın doğum tarixi onun uğuruna aparan bir növ “açar” ola bilər. 

Bizim.Media xəbər verir ki, bu barədə “Parade” nəşri yazıb.

Numeroloqların sözlərinə görə, hər bir doğum tarixi numerologiyada 1-dən 9-a qədər olan rəqəmlərdən biri, astrologiyada isə müəyyən planetlə əlaqələndirilir. Məhz bu kombinasiya insanın fərdi “uğur formulunu” formalaşdırır.

İdeya sadədir: doğum ayını nəzərə almamaq və yalnız ayın gününə diqqət yetirmək lazımdır. Daha sonra öz qrupunuzu taparaq hansı xüsusiyyətin sizə uğur qapılarını aça biləcəyini öyrənmək mümkündür.

1, 10, 19 və 28-də doğulanlar

Onların əsas xüsusiyyəti cəsarətdir. Bu tarixlər 1 rəqəmi və Günəşlə əlaqələndirilir. Buna görə də belə insanlara müstəqillik və macəralara meyillilik xasdır. Numerologiyaya görə, uğur onlar risk etməyə və öz güclərinə inanmağa cəsarət etdikdə gəlir. Bunun üçün yalnız anadangəlmə özünəinamlarına güvənmək kifayət deyil.

2, 11, 20 və 29-da doğulanlar

Onların əsas vasitəsi intuisiyadır. 2 rəqəmi və Ay belə insanlara həssaslıq və hadisələri əvvəlcədən “görmək” qabiliyyəti bəxş edir. Əsas məsələ öz qabaqcadan duyğularına etibar etməyi öyrənməkdir. Bu halda onların tanınmağa nail ola biləcəyi bildirilir.

3, 12, 21 və 30-da doğulanlar

Uğurun açarı nikbinlikdir. Astrologiyaya görə, Yupiter və 3 rəqəmi bu insanları həyatsevər edir. Onların öz uğurlarına inamının ətrafdakı insanlara da təsir edə və onları arxasınca apara biləcəyi qeyd olunur.

4, 13, 22 və 31-də doğulanlar

Burada əsas xüsusiyyət əzmkarlıqdır. 4 rəqəmi sabitlik verir, Uran isə dəyişiklik və azadlığa meyli gücləndirir. Buna görə də belə insanların bir yerdə qalması çətin olur. Uğur onlar başladığı işi yarımçıq qoymayıb sona çatdırdıqda gəlir.

5, 14 və 23-də doğulanlar

Bunlar anadangəlmə tədqiqatçılardır. Merkuri və 5 rəqəmi onları maraq göstərməyə və yeniliklərə açıq olmağa sövq edir. Onların uğur formulu davamlı öyrənməkdir: nə qədər çox bilik əldə etsələr, məqsədə bir o qədər yaxınlaşırlar.

6, 15 və 24-də doğulanlar

Onlar üçün uğur komanda işindən keçir. Venera və 6 rəqəmi belə insanlara möhkəm münasibətlər qurmaq qabiliyyəti verir. Onlara yol boyu dəstək olan insanlara minnətdarlıq göstərmək isə nəticəni daha da gücləndirir.

7, 16 və 25-də doğulanlar

Onlar ən yaxşı təkbaşına işləyirlər. Neptun və 7 rəqəmi belə insanları introspektiv edir. Kənar təzyiq olmadan qəbul edilən qərarların adətən daha dəqiq olduğu bildirilir.

8, 17 və 26-da doğulanlar

Onların gücü nəzarət və özünənizamdır. 8 rəqəmi ambisiya və maliyyə uğuru ilə əlaqələndirilir, Saturn isə səbir və keçilməli həyat dərsləri bəxş edir. Bu yol asan deyil, lakin nəticədə insanı əsl müstəqilliyə apara bilər.

9, 18 və 27-də doğulanlar

Onların uğur formulu müxtəlif sahələrdə təcrübə toplamaqdır. 9 rəqəmi və Mars müdriklik, enerji və yeniliyə maraqla əlaqələndirilir. Səyahətlər, təhsil və yeni hobbilər bu təcrübənin bir hissəsi ola bilər. Nə qədər çox cəhd edilsə, məqsədə bir o qədər yaxınlaşmaq mümkün olduğu bildirilir. (Demokrat.az)

Bizim.Media