İşləyən təqaüdçülərin sayı açıqlandı – RƏSMİ

Hazırda 65 yaş və daha yuxarı olan 60 minədək şəxsin aktiv əmək müqaviləsi mövcuddur. Onlardan 39200-ü kişi, digərləri qadındır.

Bu barədə Bizim.Media-nın sorğusuna cavab olaraq Dövlət Əmək Müfəttişliyi Xidmətindən məlumat verilib.

Bildirilib ki, onlar yaşa görə aylıq pensiya və ya müavinətlə yanaşı, əməkhaqqı ilə də təmin edilirlər. 

“Yaşa görə pensiya təyin olunduqdan sonra işləməkdə davam edən şəxslərin hər 6 ildən (72 aydan) bir həmin 6 ildə toplanmış sosial kapitalları 72-yə bölünərək pensiyasına əlavə olunur. Bu da işləyən pensiyaçıların mənafelərinin daha dolğun təminatına xidmət edir” – məlumatda qeyd olunub.

Günay Şahmar, Bizim.Media