Türkiyə Prezidenti Rəcəb Tayyib Ərdoğan Azərbaycanın Zəfər Gününün 8 Noyabr – Zəfər Günü münasibətilə keçirilən tədbirlərdə iştirak etmək üçün İstanbuldan Azərbaycanın Qarabağ bölgəsinə yola düşüb.
Bizim.Media xəbər verir ki, Türkiyə liderini səfərdə həyat yoldaşı Əminə Ərdoğan müşayiət edir.
Nümayəndə heyətinin tərkibinə Türkiyənin xarici işlər naziri Hakan Fidan, kənd təsərrüfatı və meşəçilik naziri İbrahim Yumaklı, Milli Kəşfiyyat Təşkilatının rəhbəri İbrahim Kalın da daxildir.
Səfərdə Türkiyə Prezident Administrasiyasının Kommunikasiya İdarəsinin rəhbəri Burhanəddin Duran, Prezidentin xarici siyasət və təhlükəsizlik məsələləri üzrə baş müşaviri Akif Çağatay Kılıç, hakim Ədalət və İnkişaf Partiyasının (AKP) sədr müavini və Türk Dövlətləri ilə əlaqələr üzrə məsul şəxsi Kürşad Zorlu da iştirak edir.
Bundan əlavə, Türk Dövlətləri Təşkilatının (TDT) Ağsaqqallar Şurasının sədri Binəli Yıldırım da Türkiyə nümayəndə heyətinin tərkibində Qarabağa səfər edir.
Bizim.Media
