"Hər an ağlaya bilərəm"

Azərbaycanın Avroviziyadakı təmsilçilərindən olan Dilarə Kazımova efirdə səsləndirdiyi fikirlərlə diqqət çəkib.

Bizim.Media xəbər verir ki, müğənni xarakteri və daxili hissləri barədə danışaraq tamaşaçıların marağına səbəb olub.

O bildirib ki, bir çox insan onu soyuqqanlı biri kimi tanıyır, lakin əslində çox həssas insandır:

"Məni soyuqqanlı biri kimi bilirlər. Elə düşünürlər ki, heç nə vecimə deyil. Amma belə deyil. Əksinə, çox həssas insanam, o an ağlaya bilərəm".

Kazımova insanların ona qarşı necə davranmasını istəyirsə, özü də ətrafdakılara eyni münasibəti göstərdiyini vurğulayıb.

Müğənni hisslərini hər zaman gizlətməyə çalışdığını da etiraf edib:

"Ağlayanda heç vaxt göstərmirəm. Hərdən göstərmək istəyəndə də özümə yaraşdırmıram. Yaxşısı özünü möhkəm göstərməkdir".

Sənətçi insanların məşhurların da adi insan olduğunu anlamasının vacibliyini qeyd edib:

"İnsanlar anlamalıdır ki, biz də insanıq. Həyatımızda müxtəlif şeylər ola bilər".

Onun bu açıqlaması sosial şəbəkələrdə müzakirələrə səbəb olub. İzləyicilər müğənninin səmimi etiraflarını maraqla qarşılayaraq müxtəlif rəylər yazıblar. (milli.az)

Bizim.Media