07 iyul 2015-ci il tarixdə Litva Respublikasının Şaulyay şəhərində Şəmkir rayon İcra Hakimiyyətinin nümayəndə heyətinin şəhər meriyasının nümayəndələri ilə rəsmi görüşü keçirilmişdir. Görüşdə 22 oktyabr 2014-cü il tarixdə Şəmkir və Şaulyay şəhərləri arasında imzalanmış “Niyyət protokoluna”x9d əsasən humanitar və sosial sahədə əməkdaşlığın inkişaf etdirilməsi istiqamətində müzakirələr aparılmış və nəzərdə tutulmuş layihələrin həyata keçirilməsi məqsədi ilə fikir mübadiləsi yürüdülmüşdür. Görüşdə iştirak edən Şəmkir rayon İcra Hakimiyyəti Başçısının müavini Sona Əliyeva, rayon Gənclər və İdman İdarəsinin rəisi Emin İsmayılov, rayon İcra Hakimiyyətinin əməkdaşı Könül Qələndərova şəhər meriyasının nümayəndələri ilə müxtəlif istiqamətlərdə danışıqlar aparmış və rəsmilərə hədiyyələr təqdim etmişlər. Bu əlaqələrin daha da sıx olması üçün qarşılıqlı əməkdaşlığın vacibliyi xüsusi qeyd olunmuş və hər iki tərəfin bu təşəbbüsə dəstək göstərməsinin vacibliyi vurğulanmışdır.
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
