Azərbaycanın tanınmış idmançısı Bəxtiyar Abbasovun Moskvada keçirilən Anatoli Xarlampiyevin xatirəsinə həsr olunmuş sambo üzrə Dünya Kubokunda erməni himninin səslənməsi zamanı oturması ictimai rəydə fərqli mülahizələrə səbəb olub.
Maraqlıdır, düşmənin
himninə, bayrağına, dövlətçilik atributlarına hörmət etmək lazımdırmı? Düşmən
himni və ya bayrağına edilən hörmətsizlik təqdir edilməli, yoxsa
qınanılmalıdır?
Bununla bağlı
Moderator.az-a açıqlama verən AXP sədri Pənah Hüseynli beynəlxalq tədbirlər
zamanı əvvəlcədən müəyyən edilən qaydalara əməl etməyin zəryriliyini vurğuladı:
"B.Abbasovun məsələsi
ilə bağlı sadəcə idmançının özünün və yaxınlarının dediyi ilə kifayətlənməyi
doğru hesab edirəm. Ümmiyyətlə götürəndə isə, deməliyəm ki, beynəlxalq yarışlar
və digər tədbirlər qaydalara tabedir. Əgər beynəlxalq tədbirlərin qaydalarını qəbul
edib orada iştirak edirsənsə, o zaman bu qaydalara əməl etmək lazımdır. Lakin bəzən
müxtəlif səbəblərdən kimsə özünü daha emosional apara bilər ki, bu amil də nəzərə
alınmalıdır".
Seymur Əliyev
