İtlərdə xərçəng xəstəliyinin ilkin mərhələlərdə aşkarlanması çətin olsa da, ev heyvanlarını mütəmadi müayinə etməklə şübhəli əlamətləri vaxtında müəyyənləşdirmək mümkündür.
Bizim.Media xəbər verir ki, bu barədə Rusiya Kinoloji Federasiyasının prezidenti Vladimir Qolubev RİA Novosti-yə danışıb.
Onun sözlərinə görə, bədəndə böyüyən şişlər, limfa düyünlərinin böyüməsi, dəridə dəyişikliklər, iki həftədən çox sağalmayan yaralar, səbəbsiz çəki itkisi, iştahasızlıq və davamlı öskürək diqqət tələb edən əlamətlərdir.
Qolubev sidikdə və nəcisdə qan, nəfəs darlığı, udma çətinliyi və xoşagəlməz qoxulu ifrazatların da ciddi xəstəliklərdən xəbər verə biləcəyini bildirib.
O, xüsusilə yaşlı itlərin ildə bir dəfədən daha tez-tez, məsələn, altı aydan bir baytar müayinəsindən keçirilməsini tövsiyə edib.
Bizim.Media
