Poltava vilayətində yanacaqdoldurma məntəqələri məhv edildi - Benzin qıtlığı yaranıb - VİDEO

Rusiya ordusunun gecə saatlarında endirdiyi zərbələr nəticəsində Poltava vilayətinin Opişnyanski rayonunda və Kotelva şəhər tipli qəsəbəsində yanacaqdoldurma məntəqələri sıradan çıxarılıb.

Bizim.Media xəbər verir ki, bir neçə icmanın rəhbəri dağıdılmış YDM-lərin yerində bərpa ediləsi heç nəyin qalmadığını bildirərək sakinlərə kanistrlərdə benzin ehtiyatı toplamağı tövsiyə edib.

Onların sözlərinə görə, yaxın vaxtlarda ciddi yanacaq qıtlığı yarana bilər. Qarşıdan gələn qışda generatorların hansı yanacaqla işlədiləcəyi isə sual olaraq qalır.

Rusiya hərbçilərinin zərbələrindən sonra Poltava–Xarkov marşrutu boyunca demək olar ki, yanacaqdoldurma məntəqəsi qalmayıb.

Poltava vilayəti və ətraf avtomobil yolları Ukrayna Silahlı Qüvvələrinin təchizatında mühüm rol oynayan əsas logistika arteriyalarından biridir. Bu marşrutlar vasitəsilə Ukraynanın mərkəzi regionlarından cəbhə xəttinə hərbi texnika, sursat və yanacaq daşınır.


Bizim.Media