Rusiyada DƏHŞƏT: 100-dən çox yaşayış məntəqəsi ləğv edildi -FOTO

Rusiyada əhalisi tamamilə köçmüş və ya cəmi bir neçə nəfərin yaşadığı 100-dən çox yaşayış məntəqəsi ləğv edilib. 

Bizim.Media xəbər verir ki, SHOT-un məlumatına görə, bu cür kənd və qəsəbələr ölkənin 10-dan çox regionunda aşkarlanıb.

İlin yekunlarına görə liderlik uğrunda artıq ikinci dəfə Kostroma vilayəti mübarizə aparır. Burada 21 yaşayış məntəqəsi artıq “yoxa çıxıb”. 2025-ci ildə isə regionda 144 qəsəbə ləğv edilmişdi.

İkinci yerdə ənənəvi olaraq Novqorod vilayəti qərarlaşıb. Burada yaşayış məntəqələrinin ləğvi ilə bağlı artıq üç qrup qərar qəbul edilib. 2025-ci ildə isə bu regionda 144 yaşayış məntəqəsi ləğv olunmuşdu.

Bundan başqa, Ryazan, Vladimir, Nijni Novqorod, Novosibirsk və Kemerovo vilayətlərində, Perm diyarında, Kareliyada və Tatarıstanda da qəsəbələr xəritələrdən silinib.

Əhalisi 3-4 nəfər olan bəzi tərk edilmiş yaşayış məntəqələri digər kənd və qəsəbələrə birləşdirilib. Əhalisi ümumiyyətlə olmayan yaşayış məntəqələri isə sadəcə xəritələrdən çıxarılaraq rəsmi şəkildə ləğv edilib.

Beləliklə, Sverdlovsk vilayətində bir əsrlik tarixə malik qədim Kakvinski Peçi qəsəbəsi həmişəlik yoxa çıxıb.

Vaxtilə burada yerli zavod üçün odun kömürü hazırlayan kömürçülər yaşayırdı. Lakin qəsəbəyə gedən yolun dəfələrlə yağış suları tərəfindən yuyulması yerli sakinlərin gediş-gəlişini çətinləşdirirdi. Nəticədə əhali tədricən başqa yerlərə köçürüldü, evlər isə söküldü.

Amur vilayətində isə “ölü” Sluchaynoye kəndi rəsmi olaraq ləğv edilib. Sovet dövründə burada kənd təsərrüfatı fəal şəkildə inkişaf etdirilirdi. Lakin 2026-cı ildə kəndin sonuncu sakini də buradan köçüb.












Bizim.Media