Dişlərdəki bakteriyaları elektriklə məhv edir – Ərp və qanamaya qarşı yeni kəşf

Çin alimləri bakteriyaları məhv etmək və diş ərpini təmizləmək üçün yeni texnologiyaya əsaslanan diş fırçası hazırlayıblar.

Bizim.Media xəbər verir ki, yeni ixtira haqqında elmi araşdırmanın nəticələri nüfuzlu “Science Advances” jurnalında dərc olunub.

Yeni diş fırçasının tükləri pyezoelektrik materiallardan hazırlanıb. Fırçalama zamanı yaranan mexaniki təsir nəticəsində elektrik yükləri əmələ gəlir və aktiv oksigen formalarının yaranmasına səbəb olur. Bu maddələr bakteriyaların və diş ərpinin məhv edilməsinə kömək edir.

Laboratoriya sınaqları göstərib ki, yeni texnologiya kariyesə və diş əti xəstəliklərinə səbəb olan bakterial biotəbəqələri adi diş fırçasından daha effektiv şəkildə parçalayır.

Tədqiqat çərçivəsində 115 nəfər dörd qrupa bölünərək üç ay ərzində müşahidə edilib. Yeni diş fırçasından istifadə edən iştirakçılarda adi neylon tüklü fırçadan istifadə edənlərlə müqayisədə diş ərpinin, diş əti iltihabının və qanamanın daha az olduğu müəyyənləşdirilib. (Musavat.com)

Bizim.Media