Slovakiyanın Baş naziri Robert Fitso Azərbaycan Prezidenti İlham Əliyevin Avropa Parlamenti ilə bağlı mövqeyini açıq şəkildə dəstəkləyib.
Bizim.Media xəbər verir ki, Fitso mayın 9-da Rusiyadan qayıdarkən hökumət təyyarəsinin göyərtəsindən videomüraciət yayıb.
O, Moskva, İrəvan və Bavariyaya səfərlərindən danışdıqdan sonra Azərbaycan mövzusuna toxunub.
Fitso bildirib ki, İrəvanda Bakının suveren siyasətinin şahidi olub: “Əliyev Avropa Parlamentini sərt tənqid etdi və bu, həqiqət idi”.
Slovakiyanın Baş naziri vurğulayıb ki, Avropa Parlamenti ilk növbədə Avropanın problemləri ilə məşğul olmalıdır:
“Bizim problemlərimiz kifayət qədərdir. Avropa Parlamenti başqalarının işlərinə qarışmamalıdır”.
Fitso əlavə edib ki, eyni mesajı Avropa Parlamentinin Slovakiya üçün fondları dayandırmaq cəhdləri ilə bağlı da ünvanlayır.
Bizim.Media
