Cəmil Həsənli İctimai Televiziyadan ödənişli efir vaxtı ala bilməməsindən şikayətçidir. Televiziya ödənişli efir vaxtının ayrılması ilə bağlı müraciət müddətinin bitdiyini bəyan edərək imtina cavabı verib. Namizədin MSK-ya şikayəti isə faydasız olub.
Vəkil Elman Fəttah “Azadlıq” radiosuna deyib ki, bu gün məhkəmə Cəmil Həsənlinin ödənişli efir vaxtı almaq üçün İTV-yə vaxtında müraciət etmədiyini əsas gətirərək MSK-nın imtina qərarını qüvvədə saxlayıb: “Prosesdə vəsatət qaldırdıq ki, İTV-nin qeydiyyat kitabı məhkəməyə gətirilsin, amma təmin olunmadı. Halbuki biz sentyabrın 23-də müraciət etmişik, son müraciət müddəti isə ayın 24-də bitib”.
Moderator.az
