Ali Məhkəmənin Cinayət İşləi Kollegiyasının sədri Şahin Yusifov maraqlı etirafda bulunub.
Ümumi Məhkəmə Hakimləri İctimai Birliyinin
yığıncağında çıxış edən Ali Məhkəmənin Cinayət İşləri Kollegiyasının sədri
Şahin Yusifov deyib ki, məhkəmələr əsasən ittiham tərəfinin vəsatətlərini təmin
edir.
Ş.Yusifov
bildirib ki, həbs-qətimkan tədbirinin seçilməsi ilə bağlı xeyli problemlər var:
“Məhkəmələr
prokurorluğun həbs-qətimkan tədbirinin seçilməsi barədə təqdimatlarını 98 faiz
təmin edir. Bizim tələbimiz ondan ibarətdir ki, bu məsələ ilə bağlı beynəlxalq
konvensiyanın tələblərinə qanunvericiliyə əməl edilməli və bu problem həll
edilməlidir. Ali Məhkəmənin sədri Ramiz Rzayev da fikri belədir ki, əgər Avropa
Məhkəməsi Azərbaycana qarşı qərar qəbul etsə, həmin işdə pozuntuya yol vermiş
hakim gəlib Plenumda izahat verəcək. Əli İnsanovun işində hakim müdafiəçinin əlavə
şahidin çağırılıb dindirilməsi barədə vəsatətini təmin etməyib, ona görə də Azərbaycana
qarşı qərar qəbul edilib”.
Şahin
Yusigfovun bu açıqlamasının şifahi xalq ədəbiyyatında bir anoloqsuz seçmə ilə
şərh etsək deyilərdi ki, avazı yaxşı gəlir, oxuduğu “Quran” olsa. Ancaq
reallıqda bu deyilənlərin həqiqəti əks etdirmədiyini nəinki məktəblilər, bağça
uşaqları da bilir. Ancaq yenə də bu açıqlamaya elə peşəkar hüquqşünasın şərhi
bizim atmacamızdan daha məntiqli olar. Ona görə də Moderator.az tanınmış hüquqşünas Aslan İsmayılova müraciət
edib. Onun şərhini şərhsiz təqdim edirik:
“Bütün qanunsuz qərarlar tapşırıqla qəbul olunur. Bütün məhkəmələrdə
hansı qərarı qəbul etməyi məhkəmə sədri müəyyən edir. Sədrlərə də tapşırığı üst
məhkəmələrin sədrləri, Ədliyyə Nazirliyi və Prezident Aparatı verir. Bu günlərdə Bakı Apellyasiya Məhkəməsində Qənbər adlı şəxsin əleyhinə "Mərdəkan
broyler"in sahibinin göstərişi ilə Ali Məhkəmənin sədri Ramiz Rzayevin təkidi ilə qanunsuz qərar qəbul edildi. Apellyasiya Məhkəməsi işin baxışını
1 ilə yaxın uzatsa da qanunu qərar qəbul etməyə imkan verilmədi.
Əli İnsanov kimisinin haqqında isə heç bir məhkəmə müstəqil
qərar qəbul edə bilməzdi. Buna baxmayaraq öz rüşvət mənbəyini itirməmək üçün
başqalarının evini yıxan hakimlər heç bir halda cəzasız qalmamalıdırlar.
İstənilən qanunsuz qərarla bağlı hakimlərin "mənlik deyil" deməsi
artıq o qədər adi hal alıb ki, az qala bu vicdansız bəhanəni normal qəbul
etməyə başlayıblar.”
